رحلة مرعبة في عالم الجن (قصة حقيقية)

قصة الله أعلم بصدقها أرويها لكم
وإن كان فيها غرابة !!

الله يحفظنا يارب و يشفي كل مريض !!

هي طويلة ولكن مليئة بالعبر ، وأهمها معرفة أهمية الذكر وفائدته

(اللي موب مصدق عمره ما يصدق!!)
فلنحلق مع المرأة لتروي لنا القصة..-------------------------------------
ويعلم الله أن هدفي من الموضوع واضح ومحدد :

1- حمد الله على نعمة الصحة فهي والله نعمة نغبن عليها .
2- المحافظة على الأذكار واستشعار عظمة الباري في حفظه لعبادة وأن الإنسان من دونه يضل ويشقى.
3-معرفة مقدار ضعف الشياطين والجن أمام قدرة الله.ياأبطال موضوعي واضح من عنوانه هي مشاهد أنقلها لكم بعدسة كاميرتي (عيني) في رحلة مأساوية إلى أحد الرقاة
بسم الله نبدأ
العام الماضي إضطرينا السفر لأحد الرقاة المشهورين في المنطقة الوسطى يبعد عن مدينتي تقريبا 200 كيلو وحده من قريباتي مصابة بعين وما لقت أحد يروح معها إلا أنا بحكم إني أشجع وحده في العائلة فأنا كبش الفداء طلعت من دوام يوم الثلاثاء اللي ماينسى ومرينا على قريبتي وانطلقنا الساعة الواحدة والنصف..
كان نظام القراءة عند الشيخ كل ثلاثاء بعد العصر للنساء وكل اثنين بعد الفجر للرجال يعني لابد التجمع يكون قبل الصلاة لأنه يبدأ بالقراءة بعد الصلاة مباشرة وكان نادر ما يسمح بفتح البوابة بعد الصلاة ومن حظنا فتحها ذاك اليوم وإلا كان رجعنا لديرتنا بدون فايدة،ميزة الشيخ صارم جدا في أنظمته..
انطلقنا نسابق الوقت ووصلنا المكان تفاجأنا بالأمة اللي ماليه المكان لو قلت لكم أكثر من خمسمية سيارة فهي قليلة ،وصلنا مع الأذان،فاضطرينا ننتظر عند البوابة لما يطلعون من الصلاة..دخل الإستراحة أمة من النساء وباقي أمة في الشارع،لحظات الإنتظار كانت مخيفة جدا .. أصوات بكاء وإغماءات ودوخة و و و ..

انتهوا من الصلاة وفتحوا البوابة فقط نصف ساعة لاستقبال المتبقي من النساء،طبعا ولأن النظام بريئ من العرب قاموا الحريم يتذابحون كل وحده تقول أنا بدخل..

البوابة يوقف عندها خمسة من النساء قريبات للشيخ..مع رجلين أيضا قريبن للشيخ

نقطة قوية أعجبتني في نظام الشيخ:
يشترط على النساء لبس عباية مسلمين مع قفازات وشرابات،والرجال مقصر الثوب ومطلق اللحية
فكان أي أحد يخالف الشرط يمنه من الدخول مهما يكن،لدرجة إن فيه نساء جايين من خارج المملكة رفض دخولهم تماما،لمخالفتهم الشرط..فاضطروا دخول السوق وشراء عبايات وشرابات وقفازات..
من جد معجبني رده قوي جدا للمخالفين كان يقول : كيف جاي تطلب من ربك طلب وهيئتك تخالف أمره..لا بد من حياء عند الطلب من رب العزة وقدم طلبك بطاعة توصل لمرادك..

..دخلنا الإستراحة بشق الأنفس والشيخ بدأ في القراءة والأصوااات وحنا في السور الخارجي،جانا واحد من الرجال معه سطل مليان موية وطلب منا نغسل يدينا فيها،إلى اليوم وأنا أستغرب سبب الطلب،رفضت في البداية لأني أولا بضطر أخلع قفازاتي وأطلع يديني قدام الرجال،وثانيا مش أنا المريضة..

لما قلت له ماراح أغسل بغى يتوطى في بطني صرخ صرخة مخيفة وفي يده عصا خلاني أنفذ الطلب وانا ما أشوف النور..

قبل ما نغسل يدينا كنا واقفين في الحوش ننتظر دورنا،لفت إنتباهي وحده واقفة كاشفة عن عيونها ومطلعه يدينها،استغربت كيف دخلت والنظام يمنع

طالعتها على السريع وعطيتها ظهري،جتني وحده تسأل عن المدخل،قالت بعفوية : من هنا البوابة..
فجأة مدت صوتها اللي وراي يعني وش رايك وين تكون البوابة..

ياولد وش السالفة ، لما إلتفت عليها وطالعت عيونها عرفت إن الحرمة مسكونة،طار قلبي في بلعومي >> بعد فترة عرفت إنها تتردد على الشيخ من سنوات،والشيخ يعرفها تماما تعاني من مس والجني اللي يسكنها اسمه داهية،كان يعري يديها وقديميها ويكشف عيونها علشان يبعد الشيخ عنها يالله فاتحة خير..
طبعا السرى يمشي وأنا أتنافض والحرمة وراي متينة طويلة يعني تصفطني بالراحة ،كانت في قمة توترها،أسمعها تسب وتشتم لكن ما أدري من كانت تقصد.

قرب يوصل دورنا للدخول،رجع الشيخ للقراءة بعد فاصل،كان معه مايك وشابك سماعات داخل وخارج مبنى الإستراحة،قرأ بصوت جهوري وخاشع مادريت إلا والحرمة وراي منهاره تصارخ طول صوتها:اسكت الله يلعـ..ياعزوز<<تقصد الشيخ ،وقامت تدعي عليه ؛الله لايوفقك الله لا يربحك...من هالكلام

خلاااااااص أنا أستويت وما بقي فيني عرق ينبض،أنا شفت في الكلية بنات يغمى عليهم من المس،أحسب كل الدعوى إغماءات وتشنجات وشي أرضي
لكن أشوفهم واقفين طولهم هذا اللي ماعمري شفت،يعني يمكن تجي وتتوطأ في بطنك من دون ماتحس..يارب سترك

البقية في الحلقة القادمة
(إنتهى الجزء الأول)

اوووووووووول رد يشرفني اني اكون اول من يرد على موضوعك بس والله انك إذا قلتها احسن معك نتحمس بس الحين ما نتحمس الا شوي مو مثل الحماس معك

ஐابـو ξـبداللهـ الشماليஐ كتب:: اوووووووووول رد يشرفني اني اكون اول من يرد على موضوعك

يا حبي لك يابو عبدالله

Razz

عجّل علينا بالباقي يابوابراهيم ...

متحمس ...

عدد المساهمات : 14 تاريخ التسجيل : 16/08/2009

عجل علينا الله يرحم والدينك

جزاك الله خيراوعقبال البااااااااااااااااااااااااااااااااااقي (إن شاء الله تستعجل...........!!

موضوع: الجزء الثاني الإثنين أغسطس 17, 2009 5:33 am

المشهد الثاني: وفيه بعض المشاهد المرعبة,,

وصف مختصر لتصميم الإستراحة من الداخل:
صالة واسعة تكفي 200 تقريبا،فيها مغاسل و3 دورات مياه إن لم تخن الذاكرة
وثلاث غرف مفرغة تماما إلا من كراسي بلاستيكية للجلوس وكل غرفة تكفي مايقارب 150 إلى 200..
غرفة للأطفال
وغرفة لمن يعانون من مس<< هاذي لحالها حكاية
وغرفة للمقعدين من أثر مس أو سحر
يمنع الجلوس في الصالة منعا باتا إلا بعد ماتمتلي كل الغرف..

طبعا ولأن دخولنا متأخر أضطرينا الجلوس في الصالة،أول ما دخلت جلست أدور مكان فيه حالات خفيفة لأن عقلي طار من عند البوابة طبعا الوضع كله سواد في سواد ماتدري وش حالة كل شخصية..

مالقيت إلا مكان عند دورة المياه ما عنده أحد وجلسنا ،وياليتنا ماجلسنا<<بعدين تدرون ليه

المهم جلسنا ومسك الشيخ المايك وألقى كلمة بسيطة وبعدين قال الآن بقرأ أدعية رددوها وراي؛استعديت وكلي تركيز لأني من جد ضيعت كل حفظي من الأذكار من شدة الخوف..
بدأ يردد الدعاء..بدأ أوله وأنا معه ولما انتصف نشف ريقي من الكلمات اللي سمعتها من دعائه..

اللهم إني أستودعك جسدي<<ألفين وألفين علامة تعجب طلعت من راسي ليه قال هالدعاء بالذات!! وليه ردده أكثر من مرة،يارب سترك حسيت إني في خطر ، كل شي يرتجف فيني حتى منابت الشعر..
بدأ القراءة ،(واتبعوا ما تتلوا الشياطين على ملك سليمان) << هو جاب طاري الشياطين وإلا ماجابها،الغرفة اللي فيها مس قامت ترتج من العالم اللي فيها صراخ وزعاق وشي لا يوصف،وهو يعيد في الآيات ما درينا إلا وحده فاتحة الباب من غرفة المس وجايه طيران بتطلع من الإستراحة،جو أخواتها وراها بيمسكونها عجزوا ما وقفت إلا بعد ما ألتفت الشيخ ونفث عليها طاحت وكأنها نار مطفيه بموية<<سبحان الله واقف الشيخ بكل عزة وهو يردد الآيات وبنفثه هلك الشيطان وكله ذلة وصغار.
أخوات البنت سحبوها ودخلوها للغرفة وسكروا الباب وهم يبكون،وللمعلومية البنت مقعدة ماتتحرك لكن مع القراءة فر بها الجن هاربا من الآيات فيا لله ماأعظم كلمات الله التامة..

سبحان الله والله وضع صعب وصفه،كنا نسمع أصوات نساء ومن شدة القراءة تحولت إلى أصوات ذكور وكل جني يستغيث بصاحبه،يافلان فكني منه،يافلان تسلط عليه<<معشر الجن يريدون الكيد بالشيخ

اللاقط مع الشيخ يسحب الأصوات فزيادة على شناعة الأصوات والكلمات تجي مكبره ألف مرة ولكم تخيل الوضع..

وقف الشيخ شوي وبدأ يقرأ آيات السحر،كانت مجموعة من النساء ساكنات ما نسمع منهم إلا نحيب ولكن مع قراءة آيات السحر صاروا يوقفون ويرمون بأنفسهم على الكراسي أو بالأصح يرمى بهم على الكراسي..
لما أرتج الوضع تماما قام الشيخ

نكمل إن شاء الله في مقطع قااااادمـ

ااالله يجزاك خير ابوابراهيم والله انك حمستن

يا الله على التشويق يا حبك يا أبـو إبراهيمـ لتشويق الا ما قلت لي وش السالفة كل شوي متغير شكل المنتدى أخاف واحد مهكره

ஐابـو ξـبداللهـ الشماليஐ كتب:: يا الله على التشويق يا حبك يا أبـو إبراهيمـ لتشويق الا ما قلت لي وش السالفة كل شوي متغير شكل المنتدى أخاف واحد مهكره

هاهاهاهاي الله بقطع بليسك!!!
والله ضحكتني من قلب...

الموضوع وما فيه إني فاضي فكل شوي أحط ستايل جديد !!
وأعجبني هذا
عشان بعض الشباب يتقضى لأهله في رمضان بهالسيكل.. What a Face

أبو محمد الخميّس كتب:: ااالله يجزاك خير ابوابراهيم والله انك حمستن

أجل لا يفوتك المقطع الجااااااااي خيااااااااااااااااااال..
أنا ما ودي أعرضه الآن لأننا في الليل يمكن واحد يحلم !!!
affraid

هاهاهاهاي الله بقطع بليسك!!!
والله ضحكتني من قلب...
cheers

:

غريبه ما دخل قصه ثانيه

Very Happy

وين الي بيسميه خلود

وبعدين اول رد يعجبن بالموةقع ما تحمس بالصدز تحمس قوة قوة قوة

ابو ابراهيييم...........

تكفىىىىىىىىىى عطنا القصه كاااااااااااااااااااااااااااااااااااااااااااااش مب تقسيط...................

bounce

جزاك الله الف خير يبو ابراهيم بس كمل القصة

bounce

الحمد لله

على

العلفية

مشكور

بس

بلساااااااااااااااااااااااااااااااااانك

احسن

عبدالرحمن الميموني كتب:: الحمد لله

على

العلفية

مشكور

بس

بلساااااااااااااااااااااااااااااااااانك

احسن

يا خي وش سالفتك مع اللغة العربية!!
أرجوا ترجمة ما كتبته في الاعلى

يا ابو ابراهيم تكفى نزل الجزء الثالث

تركناكم المرة اللي فاتت لما أرتج الوضع تماما قام الشيخ يدعي اللهم اشفي كل مبطون بالسحر،شوي وأشوف كل الحريم متجهين لي!!!

لإإله إلا الله صارت كل مبطونة بالسحر من تأثير القراءة تستفرغ (أكرمكم الله) ما في بطنها من السحر،جاني هجوم كاسح ،عجزت معه عن الحركة جاني شلل تام،أشوف كبيرات وصغار،كلهم يركضون حتى العجز جاهم نشاط،لدرجة وحده منهم قفزتني مع إنها داخلة وعاضدين لها بناتها من الكبر والمرض.

ياألله موقف لا أحسد عليه،بعضهم لحقوا على دورة المياه والبعض الآخر استفرغ قدامنا وعلى اللي جنبهم وانقلب الوضع لحالة مأساوية ما للواحد فيها إلا البكاء بحرقة والدعاء بإلحاح أن يشفي الباري كل مسحور ومعيون ومحسود رحلة مرعبة في عالم الجن (قصة حقيقية) As9

حسبي الله ونعم الوكيل على كل من تسبب في نشر السحر،تخيلوا ياشباب كل الغرف مليانة ومع قراءة آيات السحر تساقط نصف الموجودات،والله شي مايصدق إن السعودية فيها هالكم المجنون من المسحورات..

أحد الجن تكلم بصوت مسموع داخل وحده يقسم أيمان إن ولد عمها هو من أمره يبي يصرفها عن زوجها،وواحد ثاني جالس يتحيسب على شغالة ونطق اسم الشغالة<<شكله مسلم

****

(أبيات شعر تردد على لسان ذلك الجني أبكت كل من في الإستراحة)

والإستراحة كانت في أوج اشتعالها،كل عامود ، كل زاوية ،كل أنثى ترتج من شدة القراءة،وقت العصر يمشي بطيئ وكل العالم يبون يطلعون قبل المغرب،كان الشيخ يدور على النساء كرسي كرسي يقرأ حالته،في ورقة كاتبتها صاحبة الشكوى مسبقا،كل ورقة يقرأها يقرأ لصاحبتها آيات على حسب تشخيصه،وينفث عليها ويوصف لها زيت وخلطة أعشاب مسويها هو ويوزعها مجانا ،الله يجزاه خير

طبعا الشيخ يدور على كرسي كرسي والأعداد مجنونة وقرب المغرب ما خلص ولا ربعهم،عاد تعرفون الحريم مافيهم صبر شبوا فيه شبه،أضطر يوقف عند البوابة وهم يتزاحمون حوله كل وحده تقول الدور عندي..

قرأ على الأغلبية ومع الأسف طلعت مجموعات كبيرة تدعي المرض،بس ماشاء الله عليه الشيخ يعرفهم ويعرف يميز من اللي تدعي ويرفض يصرف لهم من خلطاته ويطلعهم بالعصا رحلة مرعبة في عالم الجن (قصة حقيقية) Seko

طبعا لأن الدعوى تزاحم فالحالات الخفيفة هي اللي تتسابق على الشيخ أما أهل المس فكل وحده ماسكه مكانها،ومستحيل تمشي وراه،خفت الزحمة كثيييييير،وبقي أعداد خفيفة،أذن المغرب وكنت أتوقع إن مع الأذان بيطلق سراحنا،فكنت ماسكه مكاني وادعي الله بالفرج،مع إني حاولت أطلع العصر لكن ولد عم الشيخ واقف عند البوابة بعصا ما تطلع أي وحده إلا بإذن الشيخ،لأن كثير من الحالات تطلع من غير شعور بسبب القراءة،لما أقبلت عليه من دون تفاهم مد العصا وأشار ارجعي لمكانك،يحسب إن جنيتي هي اللي بتطلعني رحلة مرعبة في عالم الجن (قصة حقيقية) Seko

المهم قرب آذان المغرب،سكت الشيخ،عم الصمت المكان،كنت أنتظر طلعته،علشان نطلع،لأنه واقف في البوابة ومافيه مجال أطلع،شوي طلع،وكانت المفاجأة.....

طلعوا وقفلوا علينا باب الإستراحة رحلة مرعبة في عالم الجن (قصة حقيقية) Ac6

والله بغيت أنفجر بالصياااااح،خلاص ماعاد فيني،ويروح يقفل علينا ومع مين؟!! مع أهل المس الشديد رحلة مرعبة في عالم الجن (قصة حقيقية) Mad

جلست وكلي خيبة أمل من الطلعة،كرسيي قدام غرفة المس مباشرة،أشوفهم في حالة يستحيل وصفها رحلة مرعبة في عالم الجن (قصة حقيقية) As9

الإستراحة والمسجد للشيخ وهو إمام للمسجد،فهو ماد من المسجد سماعات داخل الصالة،يعني الآذان والصلاة تنقل على الهواء رحلة مرعبة في عالم الجن (قصة حقيقية) As9

وصف مثير للوضع: الإضاءة صفراء خافتة،الهدوء يعم المكان إلا من أصوات نحيب تقطع القلب،ثلاثة من الممسوسات يتجولن في المكان وصوت الدعوات على الشيخ تسمع منهن بصوت ذكوري رحلة مرعبة في عالم الجن (قصة حقيقية) Ac6

شوي وأذن المغرب،وياليته ما أذن رجع....

نكمل في اللقاء القادمـ
أحس أني سويت قلق!! geek

ليه يابو ابر اهيم حمستن

أبو محمد الخميّس كتب:: ليه يابو ابر اهيم حمستن

عشانك يابو محمد ابنزل الجزء الجديد

شوي وأذن المغرب،وياليته ما أذن رجع ينفض العالم نفض،قمت أدعي ربي يطفي الكهرب علشان نرتاح يعني من جد جايين نعالج وحده،طلعنا بمريضتين رحلة مرعبة في عالم الجن (قصة حقيقية) As9

انتهى من الإذان،شوي ونسمع وحده،أو بالاصح جني داخل وحده يردد أبيات بلحن يعذب يؤلم يبكي يهز الوجدان يزلزل الأركان،انفجر كل من في الإستراحة بالبكاء السليمة والمريضة،تمنيت في ذيك اللحظة لو معي جوالي أسجل،لكن نظام الشيخ يمنع دخول أي جوال..

ظلمتيني يادنيا
وعذبتها معاي
ياناس لا تلوموني
ولا تلوموها
ربي كتب أعاني وتعاني
ونذوق بعضنا صنوف العذاب

هاذي مقتطفات من الأبيات،ولكن مثل ماتشوفون حوسه،بس موضوعها كان يدور عن ندمه في تعذيب البنت وتعذيب نفسه،وكان يتمنى إنه يموت علشان يرتاح ويريح البنت،ويعتذر إن كان موته بيسبب موت البنت لكن الدنيا أجبرته...

ياااااااااااااااااااااااااااااااه..ياااا اااااااااااااااااااه صوت حزين مؤلم،لكن رائع جدا ، وأنا أكتب الموقف لكم أتذكر الصوت تماما،وبكيت معه رحلة مرعبة في عالم الجن (قصة حقيقية) As9

ياألله مسكين،ومسكينة تألموا وتعذبوا والسبب نفس بشرية ضعيفة غاب خوف الله عنها وسببت ألم ماله نهاية لنفس بريئة،حسبي الله ونعم الوكيل..

الآن وقت صلاة المغرب

طبعا لما أقام الشيخ للصلاة،قامت بعض النساء للصلاة طبعا خويتكم ماعاد تقدر تتحرك من الروعة وخاصة إن فيه بعض الممسوسات يدورون،إلتفتت علي قريبتي تقول لي قومي خلينا نصلي ،إلتفت عليها لا شعوري وقلت لها:والله ما اقوم أصلي رحلة مرعبة في عالم الجن (قصة حقيقية) Seko

طبعا حنا مسافرين أقنعتها نؤجل صلاة المغرب مع العشاء جمع تأخير،المهم جلسنا ننتظر الشيخ وبالعافية رجع من جديد،بدأ القراءة ورجعت الإستراحة ترتج،عاد تخيلوا المغربية وصراخ وزعاق،لاحول ولا قوة إلا بالله..
فضت الإستراحة تقريبا فكان المكان واسع يدورون فيه الممسوسات عل كيفهم،فكان الشيخ يدور على المتبقيات من النساء وينفث وهم يدورون وراه ويهددون ويتوعدون،كلما راح لمكان مشو وراه،أحيانا يمل منهم ويلتفت عليهم وينفث ،بعدها مانشوف إلا غبرتهم،وإذا سكت تجمعوا حوله،فسبحان ربي الذي أنعم علينا بكلماته العظيمات التامات..

راح أنقل لكم مواقف سريعة حدثت بعد المغرب:
1- جت أم لوحده من البنات تركض للشيخ وهي تترجاه،يا شيخ إلحق تراه كبل البنت عند البوابة وقال ماراح أحركها من عند الباب،اجتمعت أنا وأخواتها وأخوها عجزنا نحركها،حوقل الشيخ وطلع يركض ورى الأم،شوي سمعناه يقرأ آية(محمد رسول الله..) هو قرأ الآية من هنا البنت قامت تركض للسيارة من غير وعي،وسبحان الله مجرد ما وصلت للسيارة،رجع لها وعيها وتركها الجني في حالها لأنه ضمن إن الشيخ بعيد عنها..فيا لله ما أعجب آي القرآن

2- توجه الشيخ لعائلة أم وبنتين،الأم وواحدة من البنات جايين علشان البنت الثانية.
كانت الأم تشرح للشيخ معاناة البنت وإنها مسحورة ،بدأ الشيخ يقرأ وينفث سقطت العائلة بالكامل،واتضح إن العائلة بأكملها مسحورة ولكنهم أخف من البنت..حسبي الله ونعم الوكيل

3- موقف طريف خلاني أضحك ببكاء،كان الشيخ يدور على الغرف ويفرغها غرفة غرفة،انتهت كل الغرف من النساء وبقي وحده،ولما أقبل على البوابة طلعت عليه وحده من ورى الباب وصرخت في وجهه،فز من صرختها وقال بسم الله الرحمن الرحيم وانفجر يضحك لأنه ماتوقع أبد طلعتها،واستلمها قراءة ونفث إلى أن استفرغت كل مافي بطنها.

4- موقف طريف ثاني،وحده منهم بعد ماسكت الشيخ من القراءة وطول سكوته توقع الجني اللي فيها إنه أنتهى ترك البنت في حالها،قامت تغسل يدينها،قرأ الشيخ ما درينا إلا والبنت مسبحتنا بالموية وتصارخ ياعزوز خلاص اسكت!!!

5- أعجب ما شفت ثلاث بنات (بنات عم) فيهم مس من سنوات والعجيب إن الجن اللي فيهم متصادقين ولهم أسماء عجيبة (منصور،داهية،خلَود)داهية ومنصور علاقتهم وطيدة ودائما داهية يقنع منصور للحضور للإستراحة،لأن أهل البنت اللي فيها داهية يقوونها ويجيبونها غصب للإستراحة،أما البنت اللي فيها منصور يعانون معها،فداهية يقنع منصور بالحضور ويقول له خلها فرصة نلتقي فيها مع بعض رحلة مرعبة في عالم الجن (قصة حقيقية) Ac6

.
أما خلَود فيه قوة عجيبة لدرجة مايرد على الثنائي ومتسلط على البنت بدرجة مخيفة ومؤلمة ولنا معه وقفة ألم..

6- تتوقعون تبت عقب هالزيارة وحرمت دخول الإستراحة بعد هاليوم؟!!!

طبعا لا،وكانت لي زيارة ثانية للإستراحة مع أحداث أشد رعب رحلة مرعبة في عالم الجن (قصة حقيقية) Biggrin

،نفردها بإذن الله في رد قادم

****